மார்க்கச்சை

மார்க்கச்சையும் 
மனித ஆணின்
மாண்புமிகு ஆதிக்கம் தான்
பல்லாயிர 
மாதங்கள் கடந்து 
மெல்ல உணர்கிறேன்.....
ஆனாலும் அணியாமலில்லை...
அதற்குள் நானா 
இல்லை என்னிளில் அதுவா
என்று தான் புரியவில்லை......

எச்சில் எச்சம்

காதலும் வேண்டும் காமமும் வேண்டும்

விகிதம் மட்டும் வேறாய் வேண்டும்

காலத்தில் மட்டும் என் இடை கவ்வும்

இங்கிதமாய் உன் காமம் வேண்டும்

காலமெல்லாம் என் இதயம் கவ்வும்

காவியமாய் உன் காதல் வேண்டும்

கலவி கலவி என உலவி கொண்டு

கண்ட இடத்தில் உன் கருவை இழைத்தால்

காமம் மட்டுமே கற்றுணர்ந்த ஒரு உருவாய் நீ இருப்பாய்

இவளுக்கு மட்டும் உன் வித்தையிட்டு

இதயமெனும் இடத்தில் உலவினாலாயின்

இறைவன் நீ இவளுகெனவாவாய்

உச்சி முகர்ந்து பார்

உள்ளம் மட்டும் புகுந்து பார்

உணர்வை உயிராய் பார்

காமம் தெளிந்த உன்னில் காதல் புகும்

காதலித்து பார்க்க சொல்லும்

இரண்டுக்குமான வேற்றுமையை

இருவேறாய் சொல்லும்

ஒற்றையாகும்

இரட்டையாகும்

ஒன்று பலவோடு இணயும்

பல ஒன்றோடு இணையும்

வலிமிகும் இடத்திலேயும் கூடும்

வலிமிகா இடத்தையும் தேடும்

இது கலவிலக்கணம்

ஒன்றோடு ஒன்று என இருக்கும்

உயிர் வரை உரசி செல்லும்

உணர்வாய் உயிரை செரிக்கும்

ஒவ்வொன்றுக்கும் அர்த்தம் வகுக்கும்

உள்ளத்தில் மெல்ல ஓசையும் தரும்

இது காதலிலக்கணம்

எச்சில் இலை தின்னும்

பிச்சைகாரியும்

எச்சமில்லா உறவை தான்

எதிர்பார்ப்பாள்

பச்சையிலையை

எச்சிலாக்கி

எச்சமாய் நீ வந்து நின்றுவிடாதே

பிச்சி பேன் பார்க்கப்படுவாய்

எச்சரிக்கை....